Швейцария полицияси Блаттернинг устидан пул сочган комик актёрни ҳибсга олди

Швейцария полицияси ФИФА президенти Йозеф Блаттернинг устидан пул сочиб, у олиб бораётган матбуот-анжуманини бузган таниқли британиялик комик актёр Ли Нельсонни ҳибсга олди.

Блаттер матбуот-анжумани залига кириб келиб, энди ўриндиғига ўтирганда актёр унинг ёнига келиб унинг устидан бир пачка пулни сочиб юборган. Оқибатда матбуот-анжумани бир неча дақиқага тўхтатиб қўйилган.

Manba: Kun.uz

Ўзбекистон эстрадасидаги энг саёз матнли қўшиқлар рейтинги эълон қилинди

“Даракчи” ҳафталик нашри Ўзбекистон эстрадасидаги энг саёз матнли қўшиқлар рейтинги элон қилинди. Айтилишича, рейтинг “Ўзбекнаво” эстрада бирлашмаси берган маълумотлар асосида тузилган.

1. Ёш хонанда Шерзод Акбаров: 
Қолмас эдим бойланиб,
Дилда ишқинг жойланиб,
Маҳаллангда айланиб,
Қарамасам бўларкан.

2. Ботир Яминов:
Ўйнасин мани гул ёрим,
Ўйнасин жоним,
Айлансин моҳитабоним,
Хиром айласин жоним.

3. “Серенада ижод” гуруҳи:
Нози, нози, нози,
Севгилимниинг нози,
Ўзини олиб қочади
Жуда нози-нози

4. Тоҳир Усмонов:
Диги, диги, диги
Ёқади менга
Ёрнинг билак узуги...

5. Бунёд Саидов ва Манзура ижросидаги “Дастингдан” қўшиғи:
Сан сувми, ҳавоми,
Ё назми навоми?
Улар талаби сабаби сан, сан,
Жон талаби ман, ман...

6. Ойбек ва Нигора:
Бир, икки, уч, торт,
Орзуга айб йўк,
Бир, икки, уч, торт,
Кутма уни бекор...

7. Фаррух Комилов:
Қирқта кокили ликон ликон қилади,
Белида ўйнаб шўх шодон,
Нозли хиром бор яна,
Жонда ором бор яна,
Сиз бошқа томон-ей,
Биз бошқа томон-ей, ёрон-ей!

8. Мурод Манзур:
Майли, майли сан бахтли бўлгин,
Ўзга юракда ўйнагин кулгин,
Лекин унга бергин борингни,
Фақат унутма мендек ёрингни

9. Музаффар Мирзараҳимов:
Аламо алам, ёмон қилдику алам.
Ёндириб вужуд танам, Аламо алам, алам.
Кўз остимга олганим пешонамга сиғмади,
Ёниб вужуд танам, юрагим зор йиғлади.

10. Гули Асалхўжаева
Атиргулга ўраб мени алдадинг,
Кел ёр десам, ёр дегин.
Сани жон десам, Жон дегин,
Кутиб-кутиб, жимгина сўниб қолаверма.

Manba: Kun.uz

“Ўзбекнаво”: Жонли куйламаганга лицензия йўқ!

Бундан кейин қўшиқни жонли ижро эта олмайдиган хонандалар “Ўзбекнаво” эстрада бирлашмасидан лицензия олмаслиги мумкин. Бу ҳақда бирлашма АКТ ва матбуот хизмати бош мутахассиси Азизбек Турдиев баёнот берди.
“Яқинда маънавият кенгаши дарсларига келмаган, бироз нописанд муносабатда бўлаётган санъаткорлардан уч нафарининг лицензиясини муддатдан олдин амал қилишини тўхтатдик. 10 нафар санъаткорга қаттиқ огоҳлантириш бердик, – унинг сўзларини келтиради “Даракчи” газетаси. – Бундан аввал лицензия дискда ёзилган қўшиқларни эшитиб, аммо хонанданинг ўзини кўрмасдан туриб берилаверган. Энди бундай тартибларга чек қўйилади. Янги тартибга кўра, қшгиқ айтиш учун рухсатнома олмоқчи бўлган киши келиб бирлашмага мурожаат қилади. Комиссия аъзоларига қўшиқни жонли айтиб беради. Устозлар ижодидан жонли ижро қилиб бергач, лицензия олиши мумкин. Эндиликда концерт тақдим этиш учун йилига бир марта бериладиган лицензия учун ҳам алоҳида талаб қўйилади: камида 60 фоиз жонли ижро қила олсагина, лицензия берилади. Энди 100 фоиз фонограмма билан мухлисларни алдашга йўл қўйилмайди”.

Manba: Kun.uz

Tushkunlikka tushib qolgan belgiyalik qizga o‘zini o‘ldirishga ruxsat berildi

Oxirgi bir necha yillar davomida tushkunlikka tushib qolgan belgiyalik 24 yoshli Lauraga evtanaziyaga ruxsat berildi, deb xabar beradi “Nur.kz”.

Foto: liveinternet.ru

Lauraning so‘zlariga qaraganda, uni olti yoshligidan buyon o‘z joniga qasd qilish haqidagi xayollar ta’qib qilgan. 21 yoshligidan beri u bir necha marta o‘z joniga qasd qilishga uringan va ruhiy kasalliklar shifoxonasi bemoriga aylangan.

Manbalarda aytilishicha, Lauraning ichkilikka berilgan onasi uni bir yoshligida tashlab ketgan. Qizning otasi ham ichkilikka ruju qo‘yib, unga yomon munosabatda bo‘lgan.

Evtanaziya amalga oshiriladigan kun ma’lum qilinmagan. Biroq Laura bir kunni tanlab, o‘zining ko‘mish marosimini rejalashtirib qo‘ydi.

Belgiyada 2002-yilda evtanaziyaga ruxsat berilgan edi.

Manba: Daryo.uz

Kelajakni bugun his eting: sizni hayratga soladigan 8 kashfiyot (foto)

Yaqingacha reaktiv sumka yoki bir g‘ildirakli mototsiklni faqat filmlardagina ko‘rish mumkindek tuyulardi. Ammo tinimsiz tadqiqotlar va moliyaviy rag‘bat tufayli bunday loyihalar hayotga tatbiq etilmoqda. Bunga ishonchingiz komil bo‘lishi uchun “Interesno.cc” sayti e’tiboringizga 8 innovatsion kashfiyot haqidagi ma’lumotlarnihavola etadi.

Foto: thejeffadamsshow.tv

1. Bir g‘ildirakli mototsikl – Uno

Kanadalik yosh muhandis Uno nomli kelajak shahar transportining ko‘rinishlaridan biri bo‘lmish antiqa bir g‘ildirakli mototsikl ixtiro qildi. U ikki kichik dvigatel bilan jihozlangan va shu tufayli yuqori tezligi soatiga 40 kilometrni tashkil etishi mumkin. Uno 55 kilogramm tosh bosadi, akkumulyatorining bir marta to‘liq to‘yintirilishi esa 2,5 soat “chopish”ga yetadi.

Foto: nnm.me

2. Ekologik qurilma – WaterMill

WaterMill – havodan ichimlik suvi ishlab chiqarishga qodir ekologik qurilma. Uni ishga tushirgan Element Four kompaniyasi vakillarining ta’kidlashicha, qurilma kuniga 11 litrgacha suv tayyorlashi mumkin.

Foto: inhabitat.com

3. Elektr dvigatelli ekologik avtomobil

Buyuk Britaniyaning Liberty Electric Cars kompaniyasi elektr dvigatelli avtomobillar ishlab chiqaruvchi birinchi kompaniyalardan hisoblanadi. Uzoq yillik tadqiqotlar natijasida bugungi kunda kompaniya tomonidan ko‘plab shunday yengil mashina, avtobus va boshqa transport vositalari yaratilmoqda.

Foto: evworld.com

4. Avtomobilni kuzatish uchun ko‘p yo‘nalishli treker – GPS Tracker

GPS Tracker avtomobilni kuzatib borish uchun maxsus yaratilgan va uning sohibiga mashinasini istalgan vaqtda va istalgan joyda nazorat qilish imkonini beradi. Trekerning asosiy xususiyatlaridan biri shundaki, undagi birgina tugmani bosib, mashinangizni to‘liq tokdan uza olasiz. Mashina o‘g‘irlanganda buning qanchalik foydali ekanligini tasavvur etishingiz mumkin.

Foto: spyireland.ie

5. O‘ta yengil shaxsiy uchar qurilma – Jet Man

Shveysariyalik uchuvchi-ixtirochi Iv Rossi yaratgan Jet Man shaxsiy o‘ta yengil uchar qurilmasi kerosinda yuradi va uning 30 litr yoqilg‘i sig‘adigan to‘liq baki 10 daqiqalik parvozga yetadi, eng yuqori tezligi – soatiga 300 kilometr. Uning namunaviy nusxasi La-Mansh, Katta Kanon va Alp ustidan parvozda o‘zini qoyilmaqom ko‘rsata oldi.

Foto: youtube.com

6. Yurishni uddalay oladigan g‘aroyib uy – Walking house

Walking house – egasi bilan istalgan joy va masofalarga borishga qodir “oyoqli” uy. Uning tezligi soatiga 5 kilometrga teng: bu odamning qadam tashlash tezligi bilan barobar.

Foto: juansebastianramirezp.wordpress.com

7. Ekologik osmono‘par uy – The Bahrain World Trade Center Towers

Bahraynda joylashgan The Bahrain World Trade Center Towers ekologik osmono‘par uyining qoq markazida uchta shamol generatori joylashgan. Ular tomonidan ishlab chiqariladigan elektr energiyasi ikkita 240 metrli minora va 50 qavatli korpuslardan iborat ulkan uy ehtiyojining 15 foizini qondirishga yetadi.

Foto: e-architect.co.uk

8. Noyob dron-bilaguzuk – Nixie

Uch nafar yosh ixtirochi: Kristofer, Yelena va Maykl Nixie deb nomlangan va kutilmagan suratlarni olishga qodir bo‘lgan noyob dron-bilaguzukni yaratdi. U bilakka bog‘lanadi va tugmasiga qo‘lingizni tekkizishingiz bilan suratga olishga kirishadi. Jarayon yakunlanishi bilan u egasiga qaytib keladi (tutib olsangiz bo‘lgani) va uni yana bilakka taqib olish mumkin.

Foto: designboom.com

Manba:Daryo.uz

Messi Gabondagi stadion qurilishiga birinchi g‘ishtni qo‘yd

“Barselona” klubi va Argentina terma jamoasi hujumchisi Lionel Messi Gabonning Port-Jantil shahrida quriladigan stadionning ilk g‘ishtini qo‘yishga bag‘ishlangan tantanali marosimda ishtirok etdi, deb xabar qiladi “Championat.com”.

Foto: laacib.net

Tadbirda Messi bilan birgalikda Gabon prezidenti Ali ben Bongo Ondimba ham ishtirok etdi. Forvard birinchi marta Gabonga tashrif buyurdi. U marosimdan oldin “Barselona” futbolkasiga qoldirgan dastxatlarini ulashdi. Ushbu qurilayotgan stadionda 2017-yilgi Afrika Millatlar Kubogi musobaqasi bo‘lib o‘tadi.

“Bir necha yil oldin men Barselonaga borganman va u yerda Messini uchratganman. Lionel mehmonga kelishga va’da bergandi. Leo o‘z so‘zining ustidan chiqdi”, — dedi Bongo Ondimda.

Manba: Daryo.uz

Бабаян билиши шарт: Мабодо ЖЧ-2018 саралаш босқичида гуруҳда 2-ўринни олсак...

Қитъамизда ЖЧ-2018 ва Осиё кубоги-2019 қўшма саралаш босқичи ўйинлари бошланиб кетган. Айни паллада 40та жамоа 8та гуруҳга бўлинган ҳолда саралашнинг 2-босқичида иштирок этишмоқда. Гуруҳ ғолиблари ва 2-ўринни эгаллаганлар орасида энг яхши кўрсаткичга эга бўлган 4та терма жамоа ЖЧ-2018 саралашининг кейинги босқичига ўтиш билан биргаликда Осиё кубоги-2019 (мезбон — БАА) йўлланмасига эга бўлади.
Шу ўринда битта жиҳатга ойдинлик киритиб ўтиш лозим. Саралашнинг "F" гуруҳида иштирок этиши керак бўлган Индонезия ФИФА томонидан дисквалификация қилинган. Шу боис бу гуруҳда 4та жамоа қолган. Савол: бундай нотенглик пайтида гуруҳларда 2-ўринни эгаллаган жамоаларнинг рейтинги қай тартибда тузиб чиқалиди?
Бунда қолган гуруҳларда 2-ўринни эгаллаган термаларнинг ўз гуруҳларида 5-ўринни банд этган жамоа билан ўзаро ўйинлари чиқариб ташланади. Шундан сўнг 2-ўриндаги жамоаларнинг рейтинги тузилади ва энг яхши кўрсаткичга эга бўлган 4та жамоа ЖЧ-2018 йўлланмаси учун курашни давом эттиради. Мисол учун, Ўзбекистон иштирок этаётган "H" гуруҳида Яман сўнгги ўринни эгалласа, гуруҳда 2-ўринни эгаллаган жамоанинг яманликлар билан 2та ўйиндаги натижалари ҳеч қандай аҳамиятга эга бўлмайди.
Аввало, Ўзбекистон терма жамоаси мураббийлар штаби гуруҳда 1-ўринни эгаллаш учун ҳаракат қилишига шубҳа йўқ. КХДРга ютқазиб қўйганимиздан кейин ҳар эҳтимолга қарши 2-ўрин билан ҳам кейинги босқичга чиқиш вариантини ҳам кўздан қочирмаслик керак. Бунинг учун эса регламентинг ушбу бандини билиш фойдадан ҳоли бўлмайди.
Якуний босқичда 12та жамоа 6тадан иккита гуруҳга ажратилади. Ўйинлар "уй-сафар" тизимида ўтказилади. Гуруҳларда 1 ва 2-ўринни эгаллаган жамоалар Россияда ўтадиган Мундиал йўлланмасини қўлга киритади. Учинчи ўринни эгаллаган жамоалар ўзаро плей-оффда иштирок этиб, қитъалараро плей-оффда қатнашадиган жамоани аниқлаб олишади.

Манба: www.stadion.uz.

ДАМ ОЛИШ КУНЛАРИ ЎЗБЕКИСТОН БЎЙЛАБ ЖАЗИРАМА БЎЛИШИ КУТИЛМОҚДА

18-19 июль кунлари республиканинг айрим ҳудудларида 46 даражагача жазирама кузатилади.

Гидрометеорология марказининг хабарига кўра, барча ҳудудлар шунингдек, Тошкент шаҳида ҳаво ҳарорати кечаси 27-32 даража, кундузи  39-44 даражага етади.

Андижон, Наманган ва Фарғона вилоятлари ҳамда тоғли ҳудудларда ҳаво бироз булутли бўлади, кечаси 22-27, кундузи  37-42 даража иссиқ бўлиши кутилмоқда

Manba:Uz24.uz

НА ЕПИГУ ПОЯВИЛАСЬ НОВАЯ УСЛУГА ДЛЯ СТУДЕНТОВ

Теперь студенты смогут подать заявку на проживание в общежитии вуза в режиме онлайн.

Новоиспеченные студенты смогут сделать это сразу после объявления результатов тестирования через ЕПИГУ и на официальном сайте Министерства высшего и среднего специального, профессионального образования.

Таким же способом можно будет узнать о свободных местах проживания в студенческих общежитиях.

На официальном сайте Министерства высшего и среднего специального образования уже появились необходимые ссылки.

Manba: Uz24.uz

Facebook Messenger dasturidan endi ijtimoiy tarmoqqa kirmaydiganlar ham foydalanishi mumkin

Facebook Messenger mobil dasturidan endi barcha, jumladan, Facebook tarmog‘iga kirmaydiganlar ham foydalanishi mumkin. Bu haqda kompaniyada dasturlarni rivojlantirish bo‘yicha mas’ul bo‘lgan mutaxassis Devid Markus ma’lum qilgan, deyaxabar bermoqda “Lookatme.ru”.

Foto: naked-science.ru

Oldinroq dasturdan Facebook’da akkaunt ochmay faqat AQSh, Kanada, Venesuela va Peru aholisigina foydalanishi mumkin edi. Endi bunday imkoniyat, yashash joylaridan qat’iy nazar, o‘zlariga dasturni o‘rnatgan barcha smartfon egalarida paydo bo‘ldi.

Dasturdan foydalanmoqchi bo‘lganlar ism-sharifi va telefon raqamini ma’lum qilish lozim. Dastur Facebook’dan foydalanish taklifini beradi, ammo bu majburiy emas.

Manba: Daryo.uz

«ЭРОН ВА ШҲТ: УФА САММИТИ ЯКУНЛАРИ»

«Iran.ru» сайтида жойлаштирилган «Эрон ва ШҲТ: Уфа саммити якунлари» номли мақоласида Уфада бўлиб ўтган ШҲТ саммитининг Эрон учун якунларини таҳлил қилмоқда. Муаллифнинг қайд этишича, Теҳрон ўзининг Шанхай Ташкилотидаги иштирокини учта позициядан кўриб чиқмоқда. Биринчидан, АҚШ уни фаол равишда «итараётган» халқаро сиёсий яккаланишдан чиқиш йўли сифатида. Иккинчидан, минтақавий инфратузилмавий лойиҳаларда иштирок этиш орқали мамлакат иқтисодиётини ривожлантириш воситаларидан бири сифатида. Учинчидан,  хавфсизлик таҳдидларига қарши туришнинг қўшимча усули сифатида: трансчегаравий жиноят, наркотрафик, экстремизм, терроризм ва сепаратизм. Ушбу учлик схема бир банддан ташқари, деярли тўлиқ равишда «2025 йилгача ШҲТ стратегияси»нинг асосий вазифаларига мос келади. Истисно ҳолат шундан иборатки, саммитнинг якунларига кўра, Эрон ядро дастури бўйича масала якуний ечим топмагунича Ташкилотга аъзо-давлатлар Эронга тўлақонли аъзо мақомини бериш таваккалини ўз зиммасига олмайди. Мазкур масалада Теҳрон ва ШҲТ аъзо-мамлакатлари ўртасида жиддий келишмовчилик мавжуд.

Шу тариқа, жорий вазиятда Теҳрон Хитойнинг «Янгм Ипак йўли» лойиҳасида иштироки бўйича ўз муносабатига оид қарорни қабул қилиши керак, чунки Эрон иқтисодиётининг халқаро ва минтақавий бозорларга бошқа чиқиш йўли йўқ. Мазкур стратегия доирасидаги лойиҳалар билан ўз манфаатларининг индивидуал бирлашиши дастурини ишлаб чиқиш йўли билан Эрон ШҲТ фаолиятида иштирок этишнинг қўшимча имкониятлари ва ушбу лойиҳани амалга ошириш учун ажратилаётган молиявий ресурслардан фойдаланиш имконини қўлга киритади. Яна бир муҳим қадам шундан иборатки, Теҳрон хавфсизлик бўйича, жумладан экстремизм ва наркотрафикка қарши курашиш масалаларига оид қатор минтақавий дастурларнинг ташаббускори сифатида чиқиши мумкин. Умуман олганда, Уфада ўтказилган саммит якунлари бўйича Эрон ҳукумати ўзи учун чиқариши керак бўлган асосий хулоса қуйидагидан иборат: Теҳрон учун ушбу Ташкилот эшиги очиқлигича қолмоқда. Кундан-кунга Ташкилот ишида Эрон иштирокига қаршиларнинг баҳоналари кучини йўқотмоқда. ШҲТ учун ҳал қилувчи лаҳза юзага келмоқда ва қанчалар мураккаб бўлмасин, бу лаҳза ҳам Эрон ташаббуслари, ҳам Теҳрон томонидан мазкур ташкилот билан ҳамкорлик шаклларини белгилаб олиш учун жуда омадли ва қулай вақтдир.

Manba: Telegraf.uz

1908-yilda O‘zbekistonda reklama qanday bo‘lgan? (foto)

“Shosh.uz” saytida I. I. Geyer qalamiga mansub, 1908-yilda S. R. Knopka tomonidan Toshkent shahrida chop etilgan “Ves Russkiy Turkestan” kitobidan o‘rin olgan reklama sahifalari keltirildi.

Toshkent XX asr boshida. Foto: advantour.com

Turli gazetalarda chop etilganini taxmin qilish mumkin bo‘lgan reklamalar rus tilida yozilgan bo‘lib, ularda ancha qiziqarli e’lonlarni ham ko‘rish mumkin.

Foto: shosh.uz

Jumladan, yuqoridagi sahifada bosh ofisi Qo‘qonda bo‘lgan paxtachilik korxonasi haqida ma’lumotlar keltirilgan bo‘lib, Xo‘jand, Samarqand, Yangi Marg‘ilon (Farg‘ona), Asaka, Andijon, Namangan va Shahrixonda ofislari bo‘lgani, 15 ta paxta tozalash zavodi va boshqa ishlab chiqarish quvvatlariga ega bo‘lgani, 1907-yilda 2 million paxta xomashyosi tozalanganini bilib olish mumkin.

Foto: shosh.uz

Yana bir reklamada esa Moskvadagi savdo uyining Samarqand bo‘limi Turkistonning barcha shaharlarida sifatli choylarni sotishi ma’lum qilingan bo‘lsa, boshqasida Angliya savdo uyining O‘rta Osiyo va Erondagi yagona vakili Toshkent, Qo‘qon, Tehron va Rashddagi omborlaridan o‘z mahsulotlarini sotishi yozilgan.

Foto: shosh.uz

Foto: shosh.uz

Foto: shosh.uz

Foto: shosh.uz

Foto: shosh.uz

Manba: Daryo.uz

Yaponiyaning Fudzi tog‘ida bepul Wi-Fi o‘rnatildi.

Sayyohlarning ko‘plab iltimoslarini inobatga olib, dunyoda tog‘ turizmi uchun eng ommalashgan joylardan biri — Yaponiyaning Fudzi tog‘ida  Wi-Fi’dan foydalanish nuqtalari o‘rnatildi. Bu haqda “3dnews.ru” xabar bermoqda.

Foto: openjapan.ru

Fudzida simsiz Internetdan foydalanish nuqtalarini joylashtirish loyihasidan asosan ikki maqsad ko‘zda tutilgan. Birinchisi — sayyohlarni ular ko‘nikib qolgan raqamli muhit bilan ta’minlash, ikkinchisi esa ularga ob-havo holatidan uzluksiz xabardor bo‘lib turish imkoniyatining yaratilishi va yuzaga kelishi mumkin bo‘lgan xavf-xatar to‘g‘risida o‘z vaqtida ma’lum qilish.

Wi-Fi’dan u faollashtirilganidan so‘ng 72 soat davomida foydalanish mumkin bo‘ladi.

Manba: Daryo.uz

Жаҳон фан олимпиадасида ўқувчиларимиз ғолиб бўлди!!!

Таиландда математика фани бўйича ўқувчилар ўртасида ўтказилган 56-жаҳон фан олимпиадасида мамлакатимиз терма жамоаси аъзолари – Бухоро давлат университети қошидаги 3-Қоракўл академик лицейи ўқувчилари Жамшид Яхшиев ва Аббос Муҳамедов бронза медалига сазовор бўлди, дея хабар беради ЎзА. 

Таиландда бўлиб ўтган математика бўйича фан олимпиадасида дунёнинг юздан ортиқ мамлакатлари вакиллари ўртасида ёшларимиз муваффақиятли иштирок этди. Совриндорлар сафидан ўрин олган бу ёшлар мамлакатимиздаги олий ўқув юртларидан бирига математика йўналиши бўйича имтиёзли асосда қабул қилинади. 
Жамшид Яхшиев жорий йил бошида Қозоғистонда ўтказилган халқаро фан олимпиадасида кумуш медаль билан тақдирланган эди.

ДАРВОҚЕ, 2009 йилда мактаб-интернат негизида ташкил этилган 3-Қоракўл академик лицейи мамлакатимизда таълим соҳасида юқори натижаларга эришаётган ўқув даргоҳларидан. Академик лицей директори, Ўзбекистон халқ ўқитувчиси Тўхтамурод Жумаевнинг таъкидлашича, таълим маскани тарбияланувчилари турли фан йўналишлари бўйича бир неча марта халқаро олимпиадаларда муваффақиятли иштирок этган. Улар ҳисобидаги халқаро медаллар сони 33 тага етди. 

Manba: Darakchi.uz

“Ўзбекистон ҳаво йўллари” тарифларини оширди

“Ўзбекистон ҳаво йўллари” Миллий авиакомпанияси Ўзбекистон Республикаси ичидаги қатновлари тарифлари ўзгарганини маълум қилади.
15 июлдан авиакомпаниянинг маҳаллий йўналишларида йўловчи, юк ва почта ташувлари тарифлари 12 фоизга оширилди.

Manba: Darakchi.uz

Ўзбекистон жанубий чегараларини мустаҳкамламоқда

Архив фотоси

Толибон ва ИШИД гуруҳи жангарилари Афғонистоннинг шимолий вилоятларида фаоллаша бошлагани туфайли Ўзбекистон жанубий чегараларини мустаҳкамламоқда. Ўзбекистон чегарачилари Афғонистон билан 140 км ли чегаранинг хавфсиз эканлиги, ҳар қандай босқинчиларга қарши чора-тадбирлар кўрилганлигини айтмоқда. Бу ҳақда МДҲ чегара қўшинлари командирлари кенгашининг 18 июнь куни Душанбедаги конференцияси чоғида Ўзбекистон вакили баёнот берди.
Ўзбекистон чегара қўшинларининг яхши тайёргарлиги ва сергаклиги туфайли Афғонистон ҳудудидан гиёҳванд моддаларнинг ўтказилиши ҳам назорат остига олинди. Расмий маълумотларга қараганда, Афғонистон кўкнорининг фақат 1 фоизи Ўзбекистонга олиб ўтилган.
“90-йиллар охирида Толибон ва Ўзбекистон ислом ҳаракатининг чегарага яқинлашиши жиддий хавотирларга сабаб бўлган эди, – дейди тошкентлик журналист Рустам Аҳмадуллин. – Жангариларнинг чегарани бузиб ўтиши таҳдиди мавжуд эди”.
“Бугун эса Афғонистон чегараларида жангариларнинг тўпланиши ҳақидаги хабарлар унчалик катта хавотирга сабаб бўлмаяпти, – қўшимча қилади жамиятшунос Валерий Хан. – Охирги йилларда Ўзбекистон армияси минтақадаги энг катта кучга айланди”.
Бу фикрлар "Ўт қудрати" глобал индекси маълумотларига асосланади – у Ўзбекистон қуролли кучларини 2014 йили Марказий Осиёдаги энг кучли армия деб топган эди.
Шу билан бирга, Ўзбекистон чегараларида Тожикистон чегараларидагига нисбатан камроқ жангарилар тўпланган, деб хабар берди Ўзбекистон чегара хизмати штаби бошлиғи генерал-майор Носирбек Усмонбеков Душанбе конференцияси давомида.
Усмонбеков апрель ойида Тожикистонда бўлиб, Хўжандда чегара қўшинлари ҳамкорлиги тўғрисидаги шартномани имзолади. Кучлар чегарадаги вазият бўйича ахборот алмашиб туришга келишиб олишди. Бу тарихий воқеа икки қўшни давлат чегара қисмлари командирлари ўртасида ўтказилган биринчи конференцияни юзага келтирди.
Шу билан бирга, ушбу давлатлар Афғонистон билан ҳам алоқаларини ривожлантириб бормоқда.
“Ўзбекистон ва Тожикистон билан ҳамкорликнинг кенгайиши ўтган йилнинг сентябрида Афғонистонда янги ҳукуматнинг шаклланиши биланоқ унинг асосий истиқболлари йўналишларидан бирига айланди, – деди 23 июнь куни Афғонистон тадбиркорларининг Минск делегациясига раҳбарлик қилган президентнинг махсус вакили Шокри Коргар. – Ўзбекистон биз учун ўта муҳим аҳамият касб этади. Ўзбекистон бизни МДҲ темир йўл тармоғи билан бирлаштирадиган ягона давлатдир. Бундан ташқари, Ўзбекистон Кобул ва Мозори Шариф шаҳарларини электр қуввати билан таъминлайди”.

Manba: Kun.uz

Times АҚШ жосуслари 90-йиллардан буён Путинни кузатиб келганини айтди

АҚШ жосуслари ўтган асрнинг 90-йиллари бошиданоқ Владимир Путинга қизиқиш билдириб, у Санкт-Петербург ҳокимининг ўринбосари бўлган пайтда кузатиб келган. Бу ҳақда The Times нашри ёзмоқда.
Айтилишича, у пайтлар АҚШ Конгресси олдида муҳимроқ вазифалар турган, шу боис россиялик амалдорлар ҳақида тўпланган маълумотлар жиддий ўрганилмаган. Айни пайтда эса Путин АҚШнинг қизиқиш марказида бўлиб келмоқда.

Manba: Kun.uz

Мишель Платини ФИФА президентлиги учун яна кураш бошламоқчи

UEFA prezidenti Mishel Platini FIFA prezidentligi uchun saylovda ishtirok etmoqchi, deb xabar qiladi “Uff.uz”.

Mishel Platini. Foto: sport.bigmir.net

Xabar qilinishicha, Platinini qo‘llashga olti konfederatsiyadan to‘rttasi rozi bo‘lgan. Yevropa, Okeaniya va Amerikaning ikki konfederatsiyasi Platinini qo‘llab-quvvatlaydi.

Kelgusi saylov muddati dushanba, 20-iyul kuni aniq bo‘ladi. Ayni vaqtdagi FIFA prezidenti Zepp Blatter iste’foga chiqishga qaror qilgan.

Manba: Daryo.uz

Ko‘chada dars tayyorlayotgan qashshoq oila farzandining surati Internetni larzaga soldi

Joys Gilos-Torrefranka ismli talaba qiz tushirgan fotosurat Internetni larzaga solib, jamoatga katta ta’sir ko‘rsatdi. Bu haqda “Nur.kz” xabar bermoqda.

Foto: nur.kz

U Filippindagi Mandaue shahrida mahalliy “Makdonalds”dan tushayotgan yorug‘lik nurida dars tayyorlab o‘tirgan uysiz bolakayni ko‘rib qolib, suratga tushiradi. Keyinchalik bolakay 9 yoshda ekanligi va uni Daniel Kabrera deb chaqirishlari ma’lum bo‘ldi. Uning otasi vafot etgan, uylari yonib ketganligi uchun onasi Kristina Espinoza bilan devori yo‘q oziq-ovqat do‘konida istiqomat qiladi. Shunga qaramay, Daniel tirishqoqlik bilan o‘qiydi va politsiyachi bo‘lish orzusi bor.

Internetda bu suratni ko‘rgach, dunyoning turli nuqtalaridan qashshoq oilaga yordam yog‘ilib ketdi: Kristina homiylardan o‘z ishini boshlash uchun grant oldi, Danielga esa stipendiya va filippinlik siyosatchilar qo‘llab-quvvatlashi nasib etdi. Bundan tashqari, huquqni muhofaza etish idoralari va ijtimoiy xizmat vakillari bu kichik oilani oziq-ovqat mahsulotlari bilan ta’minlashda yordam beryapti.

Manba: Daryo.uz

Месси 2015 йилдаги энг яхши хорижлик спортчи, Роналду - бешинчи ўринда

“Барселона” ва Аргентина терма жамоаси ҳужумчиси Лионель Месси ESPN талқини бўйича 2015 йилдаги энг яхши хорижлик спортчи мукофотини қўлга киритди. Бу ҳақида sports.ru хабар бермоқда.
28 ёшли аргентиналик футболчи овоз бериш жараёнида теннисчи Новак Жокович, “Формула 1” пилоти Льюис Хэмилтон, гольфчи Лидия Ко ва “Реал” форварди Криштиану Роналдуни ортда қолдирди.

Манба: www.arena.uz

ФИФА тарқатиб юбориладими?

ФИФА ва ХОҚ ҳақида бир қатор китоблар муаллифи бўлган британиялик журналист Эндрю Женнингснинг айтишича, ФИФА тарқатиб юборилади ва ўрнига бошқа ташкилот тузилар экан.
"ФИФА тарқатиб юборилади. Аммо раҳбарият ташкилотни қайта тузишни истамаяпти. Бу борада Америка ташаббус кўрсатмоқчи. Улар ўз номига доғ туширмаган федерацияларни жамлаб, янги ташкилот тузмоқчи. Бу ташкилот бошқа давлатда ва ҳомийлар ҳамда телекомпанияларни бирга ишлашга чақиради. Coca Cola, McDonald’s ва Visa каби йирик компаниялар Блаттернинг жиноятчи гуруҳи билан ишлашда давом этишини тасаввур қила олмайман", - дейди Женнингс.

Манба: interfutbol.uz