Ko‘chada dars tayyorlayotgan qashshoq oila farzandining surati Internetni larzaga soldi

Joys Gilos-Torrefranka ismli talaba qiz tushirgan fotosurat Internetni larzaga solib, jamoatga katta ta’sir ko‘rsatdi. Bu haqda “Nur.kz” xabar bermoqda.

Foto: nur.kz

U Filippindagi Mandaue shahrida mahalliy “Makdonalds”dan tushayotgan yorug‘lik nurida dars tayyorlab o‘tirgan uysiz bolakayni ko‘rib qolib, suratga tushiradi. Keyinchalik bolakay 9 yoshda ekanligi va uni Daniel Kabrera deb chaqirishlari ma’lum bo‘ldi. Uning otasi vafot etgan, uylari yonib ketganligi uchun onasi Kristina Espinoza bilan devori yo‘q oziq-ovqat do‘konida istiqomat qiladi. Shunga qaramay, Daniel tirishqoqlik bilan o‘qiydi va politsiyachi bo‘lish orzusi bor.

Internetda bu suratni ko‘rgach, dunyoning turli nuqtalaridan qashshoq oilaga yordam yog‘ilib ketdi: Kristina homiylardan o‘z ishini boshlash uchun grant oldi, Danielga esa stipendiya va filippinlik siyosatchilar qo‘llab-quvvatlashi nasib etdi. Bundan tashqari, huquqni muhofaza etish idoralari va ijtimoiy xizmat vakillari bu kichik oilani oziq-ovqat mahsulotlari bilan ta’minlashda yordam beryapti.

Manba: Daryo.uz

Месси 2015 йилдаги энг яхши хорижлик спортчи, Роналду - бешинчи ўринда

“Барселона” ва Аргентина терма жамоаси ҳужумчиси Лионель Месси ESPN талқини бўйича 2015 йилдаги энг яхши хорижлик спортчи мукофотини қўлга киритди. Бу ҳақида sports.ru хабар бермоқда.
28 ёшли аргентиналик футболчи овоз бериш жараёнида теннисчи Новак Жокович, “Формула 1” пилоти Льюис Хэмилтон, гольфчи Лидия Ко ва “Реал” форварди Криштиану Роналдуни ортда қолдирди.

Манба: www.arena.uz

ФИФА тарқатиб юбориладими?

ФИФА ва ХОҚ ҳақида бир қатор китоблар муаллифи бўлган британиялик журналист Эндрю Женнингснинг айтишича, ФИФА тарқатиб юборилади ва ўрнига бошқа ташкилот тузилар экан.
"ФИФА тарқатиб юборилади. Аммо раҳбарият ташкилотни қайта тузишни истамаяпти. Бу борада Америка ташаббус кўрсатмоқчи. Улар ўз номига доғ туширмаган федерацияларни жамлаб, янги ташкилот тузмоқчи. Бу ташкилот бошқа давлатда ва ҳомийлар ҳамда телекомпанияларни бирга ишлашга чақиради. Coca Cola, McDonald’s ва Visa каби йирик компаниялар Блаттернинг жиноятчи гуруҳи билан ишлашда давом этишини тасаввур қила олмайман", - дейди Женнингс.

Манба: interfutbol.uz

O`zbek Futboli !!!

• 
  - Элмурод ака, нега термада мураббий ўзгарганидан бери танқидий мақола ёзмаяпсиз?,- дейди мухлислар. Мен эса – нимага энди терма ҳақида фақат танқид ёзишим керак – дея ўйланиб қоламан.
  
  Рости охирги уч-тўрт  йилда термамизнинг мухлислар ўртасидаги обрўси ачинарли даражада пасайиб кетди. Асосий жамоамиз мураббийи ва футболчилар аллақачон латифа, мем, карикатура ва ҳажвий ҳикояларнинг бош қаҳрамонларига айланиб бўлган.    Бунга сабаб бўлган омиллар эса  кўпдан-кўп... Ҳўш, аслида, миллий деб аталмуш жамоага муносабат  қандай бўлиши лозим?   
  
  Ҳамма гап мухлислар кўнглида
  
  Айтишларича инсон бутун бошли бир йилни эслаб қола олмайди, зеро ўзи завққа тўлган  сонияларни бир умр ёдда сақлар экан.
  
  Ўзбек футбол мухлислари хотира қутисини титкилаб кўрсангиз, ўша ўша узоқ  94-йилда Азамат Абдураимов томонидан урилган тарихий  гол, Миржалол Қосимов томонидан амалга оширилган жарима зарбалари, Шадринни японларга урган голи, Мексикада эрта гуллаб, мева тугмаган ёшлар термасининг мазмунли ўйини яна “Насаф” футболчиларининг Осиё кубогини боши узра кўтарган сониялардан бўлак ҳеч вақо йўқ.
  
  Эслаб ачинадиган дақиқалар эса, керагидан ортиқча...
  
  Узоқ вақтдан бери “оқ бўрилар” дея аталмуш жамоамиз бирор турнирда ғолиблар сафида бўлганини аллақачон унутганмиз.  “Азаматлар” ҳеч бўлмаса бирор рақибни расмий ўйинларда йирикроқ ҳисобда ютишса ҳам майли, эди...  Улар ижросида амалга оширилган  жарима ёки бурчак зарбаларидан сўнг киритилган чиройли голни қўйинг  ҳеч бўлмаса дарвоза томонга тўғри тепилган стандарт вазиятнинг ўзи анқонинг уруғи бўлиб кетган. Термамизни  ҳужумкорлик, тажовузкорлик рақибни тинимсиз босимда ушлаб туриш каби сифатлар тарк этганига анча бўлди, чоғи. Баъзида сараланган ўн бир йигитнинг майдондаги ҳаракатларини кўриб, уларда ғалаба қозонишнинг умумий ғояси йўқ эканлигига гувоҳ бўласиз.     
  
  Ўйимнинг ёнида мактаб стадиони бор. Маҳалла болалари кечки салқинда  иккига бўлиниб тўп тепишади. Қизиғи, ҳар бир ҳужумчи ва дарвозабонга лақаб қўйиб олишган. Ҳужумчиларни кўпроқ ўша дунёни иккига бўлиб олган футболчилар исми билан ёки Зидан, Ибрагимович, Руни, Рауль  номлари билан аташар экан. Дарвозабонлар яхлит  Касильяс ёки Нойер.
  
  Мана, ҳозирги ўзбегим ёшларининг футболдаги идеаллари кимлар!
  
  Бундан ўн икки йил олдин юртимизда туғилган ўғил чақалоқларнинг ярмини исми Миржалол ёки Азамат эди...
  
  Энди бўлса...
  
  Ҳозир мухлислар термада рўй бераётган ҳар бир ўзгаришни фақат салбий жиҳатини кўришмоқда. Терма ўйинларига бўлган қизиқиш кескин пасайган. Асосий жамоамизнинг зўр юлдузи йўқ!
  
  Аслида, ватанимиз мадҳияси остида майдонга тушиб, унинг футболдаги салоҳиятини кўз-кўз қилиши зарур бўлган жамоага муносабат ундай бўлмаслиги керак!
  
  Бунинг учун эса терма жамоа ҳам мос равишда  мухлисларга бўлган муносабатни ўзгартириши лозим. Эшитдик, янги мураббий олий лига жамоаларининг фан клублари етакчилари билан учрашибди(термага тайинланган янги мураббий алоҳида мавзу, бу ҳақда эрта-индин тайёр бўладиган “Бамбарбия керкуду” деб номланган мақоламда гаплашамиз).  Яна журналистлар билан қатор матбуот аннжуманлари ташкил этилибди.
  
  Ҳай майли, бу ёмон эмас. Лекин, аммо, бироқ, ваҳоланки, хусусан... Мухлислар фикрини ўзгартирадиган ягона йўл битта! Бу - майдонда ҳар қандай рақибга қарши “достойный” ўйнаш ва ғалаба қозониш! Рус тилидаги сўздан фойдаланганим учун узр, маъно жиҳатдан аниқ ва тиниқ муқобилини топа олмадим.
  
  Мухлис халқи ҳам анойи эмас, терма жамоани ҳар бир ўйинини етарли даражада таҳлил қила олади. Бунга мисол ЖЧ-2014 саралаши Эрон термаси билан ўз майдонимизда бўлиб ўтган омадсиз учрашувдан сўнг, деярли барча ишқибозлар жамоа форсларга нисбатан анча кучли ўйнагани учун мағлубиятдан у қадар фожеа ясамаган эди.
  
  Ўйлаймизки,  сўнги йилларда мухлислар раҳмини келтиришдан бошқа нарса эплай олмаётган ва деярли “оқ қўзичоқ”қа айланган жамоани худди “бўридек тишини кўрсатадиган” пайт ҳам етиб келди. Мухлисларнинг уларга бўлган ҳурмати, эҳтироми  масаласида эса юқорида сўз юритдик.
  
  ЗЕРО,  ҲУРМАТ СОТИБ ОЛИНМАЙДИ, БАЛКИ ҚОЗОНИЛАДИ!
                                                                                                              Элмурод ЭРМАТОВ
• Манба: www.uff.uz   

FIFA prezidenti Yozef Blatter 2018-yilgi jahon chempionati saralash bosqichiga qur’a tashlash marosimini o‘tkazish uchun Rossiyaga tashrif buyuradi

FIFA prezidenti Yozef Blatter 2018-yilgi jahon chempionati saralash bosqichiga qur’a tashlash marosimini o‘tkazish uchun Rossiyaga tashrif buyuradi, deb xabar qiladi“RIA Novosti”.

Foto: ria.ru

Rossiya Federatsiyasi sport vaziri Vitaliy Mutkoning aytishicha, Blatter Rossiya prezidenti Vladimir Putin bilan uchrashuv tashkil qilinishini so‘ragan.

Qur’a tashlash marosimi 25-iyul kuni Sankt-Peterburgda bo‘lib o‘tadi va Toshkent vaqti bilan 20:00 da boshlanadi. Marosim 100 dan ortiq mamlakatlarga translyatsiya qilinadi.

“Yozef Blatter qur’a tashlashga keladi. Biz kecha u bilan barchasini muhokama qilib oldik va u kelishini tasdiqladi hamda tashrif dasturida RF prezidenti Vladimir Putin bilan uchrashuv bo‘lishini so‘radi”, — dedi Mutko.
Manba: http://daryo.uz/

Abiturientlar uchun

Ko‘pchilik abituriyentlarni qiziqtiradigan asosiy savollardan biri, bu o‘zi tanlagan va hujjat topshirmoqchi bo‘lgan ta’lim yo‘nalishida qaysi fanlardan imtihon bo‘ladi hamda qaysi biriga necha ball berilishidir. Ular yuqoridagi asoslarga qarab tayyorgarlikka kuchlarini taqsimlashadi.

O‘zbekiston Respublikasi ta’lim muassasalariga qabul qilish bo‘yicha Davlat komissiyasining 2015-yil 27- iyundagi 1-son bayoni asosida O‘zbekiston Respublikasi oliy ta’lim muassasalari ta’lim yo‘nalishlari ro‘yxati va test bo‘yicha ularga muvofiq keluvchi fanlar majmuasi tasdiqlandi. Bu haqda “Xushnudbek.uz” xabar beradi.

Foto: shanba.uz

Fanlar haqida gapiradigan bo‘lsak, eng avvalo barcha yo‘nalishlarga ingliz tili fani qo‘shilishi yoxud 3-blok ona tili va adabiyoti bo‘lgan yo‘nalishlarda 36 ta savolning 18 tasi ingliz tili fanidan bo‘lishi haqidagi mish-mishlar o‘z isbotini topmaganini ta’kidlash joiz.

Test sinovlarida qaysi fanga necha ball berilishi haqidagi to‘liq ro‘yxat bilan “Xushnudbek.uz” saytida tanishishingiz mumkin.